تقييم تجربة المستخدم: لماذا يهم

 للمصممين والمطورين، مفهوم تحسين تجربة المستخدم مش موضوع شكل ورونق وخلاص، ده موضوع يتعمل له دراسات وتقييمات علشان تحقق النتايج المطلوبة.

في المقال ده، هنغطي 3 محاور أساسية:

1. Nielsen’s Heuristics
2. WCAG Guidelines
3. DGA Digital Maturity Index - CX Indicators

 

---

 

Nielsen’s Heuristics:  و خلينا نوصفها انها قواعد لكشف المشاكل بسرعة

قواعد Nielsenهي مجموعة من 10 مبادئ للتقييم الاستكشافي (هيوريستكية). المبادئ دي تساعدك تكتشف المشاكل الممكنة في تصميم من غير ما تعتمد على تجربة المستخدمين الفعليين.

مثالين من المبادئ:

• Visibility of System Status (وضوح حالة النظام): مستخدم الموقع لازم يكون واضح له إنه فين وإيه الحالة الرهنية للنظام. استخدم فيدباك زي لودرز واشعارات.
• Consistency and Standards (التساوق والمعايير): كل المصطلحات والأيقونات والتصميمات تكون واضحة ومتسقة في الموقع كله.

مزايا Nielsen’s Heuristics:

• سريعة لكشف المشاكل.
• متوفرة لجميع المصممين.

عيوبها:

• ممكن تفوت مشاكل معينة من غير تجربة فعلية للمستخدم.
• مش بتدي بيانات رقمية عن أداء المستخدم.

 

---

 

إرشادات WCAG: وهنا تعني التصميم للجميع

إرشادات محتوى الويب (WCAG) هي معيار عالمي لإنشاء مواقع وتطبيقات تكون متاحة للجميع، بما في ذلك ذوي الاحتياجات الخاصة. الالتزام بـ WCAG بيضمن جمهور أوسع يستخدم منصتك.

المبادئ الأساسية لـ WCAG

1. واضحة Perceivable: المحتوى يكون سهل الإدراك لكل الناس. زي استخدام ألوان متباينة بين النص والخلفية لتحسين القابلية للقراءة.
2. قابلة للتشغيلOperable: كل العناصر التفاعلية تشتغل مع التقنيات المساعدة زي قارئات الشاشة ولوحات المفاتيح. يعني ما تعتمدش على الفأرة بس.
3. مفهومة Understandable : اللغة والتنقل يكونوا بسيطين وسهلين. زي تجنب المصطلحات الصعبة وضمان إن رسائل الخطأ بتشرح المشكلة وحلها.
4. قوية: المحتوى يكون متوافق مع أدوات وتقنيات المساعدة المختلفة لضمان تجربة مستخدم ثابتة.

ليه معايير WCAG مهمة؟

• الشمولية: بتخلي المنصات الرقمية متاحة لشريحة أكبر، بما في ذلك ذوي الإعاقات البصرية أو السمعية أو الذهنية.
• الالتزام: في دول كتير عندها قوانين بتلزم بتوفير إمكانية الوصول الرقمي، والالتزام بـ WCAG بيضمن الامتثال.

 

---

 

مؤشر DGA Digital Maturity Index: معيار محلي لتميز تجربة المستخدم

مؤشر النضج الرقمي DGA هو إطار محلي بيقيم المنصات الرقمية وتوافقها مع توقعات المستخدمين. بيركز على 3 حاجات أساسية:

1. سهولة الاستخدام:

• بيقيس مدى كفاءة المستخدمين في التنقل والعثور على المعلومات.
• زي ترتيب القوائم بشكل منطقي وسهل البحث.

2. إمكانية الوصول:

• بيقيم إذا كانت المنصة متاحة للأشخاص ذوي الإعاقة، زي دعم قارئات الشاشة.
• الوصول بيضمن الشمولية وبيعزز رضا المستخدم.

3. تجربة العميل (CX):

• بيقيم مدى تحقيق المنصة لاحتياجات وتوقعات المستخدم من خلال تصميم بسيط وسلس.
• زي تقديم لوحات معلومات شخصية ودعوات واضحة لاتخاذ الإجراءات.

إزاي ندمج الإطارات دي لتحسين شامل لتجربة المستخدم؟

كل إطار من الإطارات دي – قواعد نييلس Nielsen’s Heuristics ، إرشادات WCAG، ومؤشر النضج الرقمي DGA – ليه تركيزه الخاص، لكنهم بيكملوا بعض عشان نعمل استراتيجية UX متكاملة. إزاي يشتغلوا مع بعض؟

 

• Nielsen’s Heuristics: استخدمه في المراحل الأولى من التصميم عشان تكتشف وتعالج المشاكل العامة.
• إرشادات WCAG: تضمن إن المنصة متاحة للجميع، وده مهم للشمولية والالتزام.
• مؤشر النضج الرقمي DGA: بيدي منظور محلي، عشان تضمن التصميم متوافق مع التوقعات والمعايير المحلية.

باستخدام المنهجيات دي، مصممي UX يقدروا يقدموا منصات مش بس وظيفية وجميلة، لكن كمان شاملة ومتوافقة مع المعايير المحلية والعالمية.